ولّع ظـلام الليـل يـا صاحبـي جـود قبـل النهـار يقـوم و يـبـل ريـقـه |
وش حاجتي للناس مـا دمـت موجـود مالي و مـال الحلـم .. دامـك حقيقـه |
خل الكلام الـذرب .. للطفـل و العـود او للصديـق اللـي يجـامـل صديـقـه |
مابينـي و بينـك مسافـات و حــدود و ما يجتمع .. ثقل و علاقـه وثيقـه!! |
حيرتنـي .. مابيـن وقفـات و صـدود و الأمر لله .. و أنت شف لـي طريقـه |
أما نعيـش و بعضنـا لبعـض مشـدود و الا نعيش و كـل شخـص و طريقـه |
و أرجع أنا .. للوقـت و أيامـه السـود و لحزنـي اللـي يعتبـرنـي رفيـقـه |
تنسى .. و لا أنسى و أذكر الحلم و تجود قريحـة الشـاعـر بـمـا لا يطيـقـه |
و يقال كان الحـال مـن زود فـي زود و الحين صـار الحـال ضيقـه بضيقـه |
و أن كان ما يرضيك .. و العمر محـدود خذنـي معـك بيـن الضلـوع الرقيقـه |
صب المشاعـر داخلـي صـب بـارود حرّك سكون الليل .. و أشعـل حريقـه |
خـل الغـرام يـروح و يلـف و يعـود و أنفض غبـار القلـب يطلـع بريقـه |
يفداك كـل القلـب .. عنقـود عنقـود من فاكهـة صبـره .. لصافـي رحيقـه |
كن الرسايـل منـك فـي درجـي ورود هذي على هـذي و صـارت .. حديقـه |
منها يفوح العطـر و الشـوق و العـود و تمرني الساعه و أنا أقـراء .. دقيقـه |
لا تنذهـل .. شاعـرك مافيـه منقـود كـل الكـلام اللـي يقـولـه حقيـقـه |
ولّـع ظـلام الليـل يـا صاحبـه جـود و أشره عليه أن كان .. ما بـل ريقـه |
2 مشترك
ظـلام الليـل يـا صاحبـي
مشاري- مشرف
- عدد المساهمات : 320
نقاط : 53443
السٌّمعَة : 1
- مساهمة رقم 1
ظـلام الليـل يـا صاحبـي
ولد النووور سلوووم- المبدعون
- عدد المساهمات : 175
نقاط : 53271
السٌّمعَة : 0
العمر : 36
- مساهمة رقم 2
رد: ظـلام الليـل يـا صاحبـي
يعطيك العافيه
ولا يحرمنا من جديدك
ولا يحرمنا من جديدك